
D3979

@##། །རྒྱ་གར་སྐད་དུ། ཙ་ཏུ་རཱཾ་ག་དྷརྨ་ཙཨཱརྱ། བོད་སྐད་དུ། ཆོས་སྤྱོད་ཡན་ལག་བཞི་པ། འཇིག་རྟེན་དབང་ཕྱུག་ལ་ཕྱག་འཚལ་ལོ། །སྟོན་པ་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བས་ནི། སྙིང་པོ་བྱང་ཆུབ་མཆིས་ཀྱི་བར། །སངས་རྒྱས་ཆོས་དང་དགེ་འདུན་ཏེ། །སྐྱབས གསུམ་སྐྱོབ་པ་བླ་མེད་ལ།།རབ་ཏུ་གུས་པས་སྐྱབས་སུ་མཆི། །རྟེན་གཟུང་བར་བྱ་བའི་ཕྱིར་སྐྱབས་སུ་འགྲོ་བའི་ཡན་ལག་སྟེ་དང་པོའོ། །སློབ་དཔོན་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ་ཡིས། །ཐོག་མེད་དུས་ནས་ད་ལྟའི་བར། །འདོད་ཆགས་ཞེ་སྡང་གཏི་མུག་གིས། །ལུས་དང་ ངག་དང་ཡིད་སྒོ་ནས།།སྡིག་པ་མི་དགེ་ཅི་བགྱིས་པ། །མ་ལུས་འགྱོད་པས་སོ་སོར་བཤགས། །སླན་ཆད་ཅི་ནུས་བསྡམ་པར་བགྱི། །རྒྱུད་དག་པར་བྱ་བའི་ཕྱིར་སྡིག་པ་བཤགས་པའི་ཡན་ལག་སྟེ་གཉིས་པའོ། །སློབ་དཔོན་བདག་ལ་དགོངས་སུ་གསོལ། ཕྱོགས་བཅུ་ནམ་མཁའི་མཐས་གཏུགས་ན། ། སངས་རྒྱས་བྱང་ཆུབ་སེམས་དཔའ་དང་། །ཉན་ཐོས་རང་སངས་རྒྱས་རྣམས་དང་། །འཇིག་རྟེན་པ་ནི་གང་གིས་ཀྱང་། །མ་ལུས་དགེ་བ་ཅི་བགྱིད་པ། །དེ་ལ་རང་ཉིད་བྱེད་པ་བས། །ལྷག་པར་དགའ་བས་ཡི་རང་ངོ་། །དགེ་བའི་རྩ་བ་ཚེགས་ཆུང་ངུས་བསྐྱེད་པའི་ཕྱིར་རྗེས་སུ་ཡི་རང་བའི་ཡན་ལག་སྟེ་གསུམ་པའོ། །སློབ དཔོན་བདག་ལ་དགོངས་སུ་གསོལ།ཇི་ལྟར་སྔོན་གྱི་སྐྱོབ་རྣམས་ཀྱིས། །སེམས་ཅན་རྣམས་ཀྱི་དོན་གྱི་ཕྱིར། །བྱང་ཆུབ་མཆོག་རབ་ཐུགས་བསྐྱེད་པ། །དེ་ལྟར་བདག་ཀྱང་མ་རྣམས་ཕྱིར། །བྱང་ཆུབ་མཆོག་ཏུ་སེམས་བསྐྱེད་དོ། །བླ་ན་མེད་པའི་བྱང་ཆུབ་ངེས་པར་བྱ་བའི་ཕྱིར་བྱང་ཆུབ་ཏུ་སེམས་ བསྐྱེད་པའི་ཡན་ལག་སྟེ་བཞི་པའོ།

梵语：Caturāṅgadharmacaryā
藏语：四支法行
顶礼世间自在！
祈请本师垂念！我某某名者，直至菩提心要，于无上救护三宝：佛法僧，以至诚恭敬而皈依。为摄受所依故，此为第一皈依支。
祈请阿阇黎垂念！我某某名者，从无始时至今，以贪嗔痴，从身语意门，所造诸恶不善业，一切皆以悔心各别忏悔。今后尽己所能守护。为清净相续故，此为第二忏悔支。
祈请阿阇黎垂念！于十方虚空边际中，诸佛菩萨、声闻缘觉，以及一切世间众生，所作一切善业，较自己亲作更生殊胜欢喜而随喜。为以小功用生善根故，此为第三随喜支。
祈请阿阇黎垂念！如昔诸救护者，为利众生故，发殊胜菩提心，如是我亦为诸母故，发殊胜菩提心。为决定无上菩提故，此为第四发菩提心支。

།མཐར་དགེ་བའི་རྩ་བ་གཉིས་དོན་ཕུན་སུམ་ཚོགས་པར་བྱ་བའི་ཕྱིར་བྱང་ཆུབ་མཆོག་ཏུ་བསྔོ་བའི་ཡན་ལག་ཀྱང་བྱ་སྟེ། བདག་གི་བསོད་ནམས་འདི་ཡིས་ནི། །སེམས་ཅན་ཐམས་ཅད་མ་ལུས་པ། །གདུལ་དཀའི་སེམས་ནི་རབ་ཞི་ནས། །འགྲོ་བའི་བླ་མ་ཐོབ་ ་པར་ཤོག་།

最后为了使两种善根圆满成就，也应当做殊胜菩提回向支分：
以我此福德，
愿一切众生，
调伏难调心，
获得众生师。



D3980

ཅེས་བྱ་བའོ། །ཆོས་སྤྱོད་ཡན་ལག་བཞི་པ་རྣལ་འབྱོར་གྱི་དབང་ཕྱུག་ཆེན་པོ་ཤྲཱི་ཛ་ག་ཏི་མ་ཏྲཱ་ནནྡས་མཛད་པ་རྫོགས་སོ།། །།རྣལ་འབྱོར་གྱི་དབང་ཕྱུག་དེ་ཉིད་དང་། ལོ་ཙཱ་བ་བྱམས་པའི་དཔལ་གྱིས་བསྒྱུར་བའོ། །[་]@##། །རྒྱ་གར་སྐད་དུ། སཔྟ་ཨཾ་ག སདྡྷརྨ་ཙཨཱརྱ་ཨ་བ་ཏཱ་ར།བོད་སྐད་དུ། དམ་པའི་ཆོས་སྤྱོད་ལ་འཇུག་པའི་ཡན་ལག་བདུན་པ། དེ་བཞིན་གཤེགས་པ་ཤཱཀྱ་སེང་གེ་ལ་ཕྱག་འཚལ་ལོ། །སངས་རྒྱས་ཆོས་དང་འཕགས་ཚོགས་ནི། །སྐྱབས་མཆོག་བདེན་གཉིས་ཡོངས་བཟུང་བས། །ཤེས་རབ་སྙིང་རྗེ་མཉམ་སྦྱོར་ལ། །བདག་ནི་གུས་ པས་ཕྱག་འཚལ་ལོ།།ཕྱག་བཙལ་བའི་ཡན་ལག་སྟེ་དང་པོའོ། །སྐྱབས་གསུམ་བླ་མེད་རིན་ཆེན་ལ། །ཕྱི་ནང་ཁོ་ན་ཉིད་དོན་ཅན། །མཆོད་སྤྲིན་བསམ་མི་ཁྱབ་རྣམས་ཀྱིས། །ལེགས་པར་མཆོད་པའི་ཆོ་གས་མཆོད། །མཆོད་པ་འབུལ་བའི་ཡན་ལག་སྟེ་གཉིས་པའོ། །འགྲོ་རྣམས་བསྒྲལ་འདོད་བསམ་ པ་ཡིས།།སངས་རྒྱས་ཆོས་དང་དགེ་འདུན་ལ། །བྱང་ཆུབ་སྙིང་པོར་མཆིས་ཀྱི་བར། །རྟག་ཏུ་གུས་པས་སྐྱབས་སུ་མཆི། །སྐྱབས་སུ་འགྲོ་བའི་ཡན་ལག་སྟེ་གསུམ་པའོ། །བདག་གིས་ལུས་ངག་ཡིད་སྒོ་ནས། །མི་བཟད་སྡིག་པ་གང་བགྱིས་དང་། །བགྱིད་སྩལ་རྗེས་སུ་ཡི་རང་གང་། །དེ་ དག་ཐམས་ཅད་སོ་སོར་བཤགས།།སྡིག་པ་བཤགས་པའི་ཡན་ལག་སྟེ་བཞི་པའོ། །རྫོགས་སངས་བྱང་ཆུབ་སེམས་དཔའ་དང་། །རང་རྒྱལ་རྒྱལ་བའི་སློབ་མ་དང་། །འཇིག་རྟེན་བསོད་ནམས་གང་བགྱིད་ལའང་། །དགའ་བས་རྗེས་སུ་ཡི་རང་ངོ་། །རྗེས་སུ་ཡི་རང་བའི་ཡན་ལག་སྟེ་ལྔ་པའོ། །ཤེས་རབ་སྙིང་རྗེ་དང་ བཅས་པའི།།བརྩོན་པས་སེམས་ཅན་དོན་དུ་བདག་།སངས་རྒྱས་མདུན་དུ་གནས་བགྱིས་ཏེ། །རྫོགས་པའི་བྱང་ཆུབ་སེམས་བསྐྱེད་བགྱིད། །བྱང་ཆུབ་མཆོག་ཏུ་སེམས་བསྐྱེད་པའི་ཡན་ལག་སྟེ་དྲུག་པའོ། །བསོད་ནམས་ཚོགས་ཀྱི་ཆོས་འདི་དག་།བྱང་ཆུབ་གསུམ་གྱི་རྒྱུར་གྱུར་པ། །བདག་མེད་གཉིས་ཀྱི་ལམ་ བརྟེན་པས།།མཐོ་རིས་ཐར་པ་སྒྲུབ་གྱུར་ཅིག་།བདག་གི་བསོད་ནམས་གང་བགྱིས་པས། །སྐྱེ་བོས་རྒྱལ་བ་ཐོབ་གྱུར་ཏེ། །གུས་པས་སེམས་ཅན་ཐམས་ཅད་དོན། །རྒྱ་ཆེན་ཡང་དག་བྱེད་གྱུར་ཅིག་།བདག་ནི་ཚེ་རབས་ཐམས་ཅད་དུ། །སངས་རྒྱས་མཐོང་བ་རྙེད་གྱུར་ཅིག་།དམ་པའི་ཆོས་ནི་ཉན་པ་དང་། །དགེ་ འདུན་ཞབས་འབྲིང་བྱེད་གྱུར་ཅིག་།ཐབས་མཁས་ཡང་དག་བཤེས་གཉེན་ལྡན། །ཆོས་དང་ཟང་ཟིང་སྦྱིན་བྱེད་ཅིང་། །ལོངས་སྤྱོད་སེམས་ཅན་ཐུན་མོང་དང་། །ཕ་རོལ་ཕྱིན་པ་ཀུན་རྫོགས་ཤོག་།འབྱོར་པ་ཕུལ་བའི་བསོད་ནམས་དང་། །ཚུལ་ཁྲིམས་ལེགས་པར་གཟུང་བ་དང་། །དམ་ཆོས་ཡང་དག་མཉན པ་ཡིས།།བདག་ནི་བྱང་ཆུབ་མཆོག་ཐོབ་ཤོག་།བདག་ནི་འདི་ནས་ཤི་འཕོས་ཚེ། །དགའ་ལྡན་སྐྱེས་ནས་ཡིད་དགེ་བས། །མྱུར་དུ་བྱམས་མགོན་བསྙེན་བྱས་ཏེ། །བྱང་ཆུབ་ལུང་བསྟན་རྙེད་པར་ཤོག་།སྨོན་ལམ་གདབ་པའི་ཡན་ལག་སྟེ་བདུན་པའོ། །དམ་པའི་ཆོས་སྤྱོད་ལ་འཇུག་པའི་ ཡན་ལག་བདུན་པ།ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲས་མཛད་པ་རྫོགས་སོ།། །།པཎྜི་ཏ་ཆེན་པོ་དེ་ཉིད་དང་། བོད་ཀྱི་ལོ་ཙཱ་བ་དགེ་སློང་བྱམས་པའི་དཔལ་གྱིས་བསྒྱུར་བའོ།

如是说。四支分法行大瑜伽自在吉祥扎嘎提玛札难达所作圆满。由彼瑜伽自在与译师慈吉祥所译。
